Áhugavert myndband um einhverfu burnout

Hér er áhugavert myndband þar sem rætt er á djúpan hátt um einhverfu burnout. Einnig fara þau í atriði sem eru viðkvæm.

Það sem mér finnst kannski helst vanta þarna inn í, varðandi muninn á hefðbundnu burnouti og einhverfu burnouti, að það er ekki hægt að taka sér frí frá áreitinu. Sá sem fer í burnout út af vinnu getur tekið sér frí frá vinnunni til þess að ná bata og þegar byrjað er að vinna aftur þá er hægt að byrja rólega, t.d. í 30% vinnu. Þetta er ekki hægt þegar það er lífið sjálft sem orsakar burnoutið, það er ekki hægt að taka sér frí frá lífinu á meðan maður nær bata og koma svo smátt og smátt aftur inn í lífið aftur.

Grímur og burnout

Hér fjallar Brett um hvernig grímunotkun spilar inn í burnout, „How Hiding Your True Self Leads to Exhaustion“. Dæmin sem hann tekur þarna um sína grímunotkun eru eiginlega nákvæmlega eins og þetta er hjá mér. Það er næstum því ógnvekjandi að heyra einhvern annan lýsa svona nákvæmlega, því sem gerist inn í hausnum á mér, en á sama tíma er gott að heyra þetta því þá er ég ekki eins ein.

ABO – Autistic Burnout construct

ABO er örstutt skimun fyrir einhverfu burnout fyrir fullorðna (16 ára og eldri). Inniheldur 8 staðhæfingar og tekur innan við 5 mínútur. Þessi skimun er gerð í gegnum netið og er frí. Það þarf hvorki að stofna aðgang né gefa upp netfang. Þarna er á einfaldan hátt hægt að kanna hvort einstaklingur sé hugsanlega í einhverfu burnouti.

Niðurstöður eru á bilinu: 6 – 48 stig.
Allt umfram 32 stig eru merki um einhverfu burnout.

Ég fékk 48 stig.

Þessi niðurstaða segir mér að ég er ennþá á þessum stað, í einhverfu burnouti.